President Bola Ahmed Tinubu don direct all Ministries, Departments and Agencies (MDAs) to fully embrace technology as 38 ministries and extra-ministerial departments don already move to paperless e-workflow system.
Tinubu make dis known on Wednesday during di opening of di International Civil Service Conference 2026 for Abuja.
Di President, wey Secretary to di Government of di Federation, Senator George Akume, represent, say Nigeria civil service dey experience major digital transformation under di Renewed Hope Agenda.
According to am, government offices must move away from slow manual processes and embrace faster, transparent and technology-driven service delivery.
Tinubu say di adoption of secure electronic workflow systems across ministries show say Nigeria dey serious about building modern public service wey fit support economic growth, innovation and investment.
“When we talked about digitalisation in 2025, some people see am as future ambition. But today, 38 ministries and extra-ministerial departments don begin operate secure paperless workflow system,” he said.
Di President instruct all MDAs to strengthen digital work processes and improve service delivery through technology.
He say government institutions must become more responsive to citizens, while decision-making should focus on speed, accountability and transparency.
Tinubu also reveal say di ongoing Personnel Audit and Skills Gap Analysis approved by im administration dey near completion.
According to am, government dey identify skill gaps and reposition workers to meet modern governance demands.
Di President connect di reforms to Project BRIDGE — Building Resilient Digital Infrastructure for Growth — wey Nigeria recently promote during di Africa CEO Forum for Rwanda.
He explain say government dey open di digital infrastructure sector to investors and development partners to improve connectivity, create jobs and increase efficiency in public service.
Tinubu also praise di Head of Civil Service of di Federation, Mrs Didi Esther Walson-Jack, for driving reforms under di Federal Civil Service Strategy and Implementation Plan 2021–2025.
He commend di introduction of Service-Wise GPT and other digital tools, saying dem show say disciplined leadership and institutional commitment fit deliver real results.
Di President urge participants at di conference to focus on making reforms permanent and strengthening accountability across public institutions.
