Bala, wey also be Chairman of PDP Governors’ Forum, yarn this one when he appear for one national TV programme. According to am, PDP get plenty capable people wey fit carry Nigeria go better direction, unlike wetin dey happen under APC government.
As people dey speculate say maybe na Seyi Makinde/Bala Mohammed ticket go show face in 2027, Bala just laugh. He say PDP get many better pairing options wey fit match or even pass the Tinubu/Shettima ticket.
“It depend on wetin Nigerians want. If dem want continue with this clueless administration, na their choice,” Bala talk.
He still hail Seyi Makinde say him get pedigree, but add say no be only Makinde dey, plenty PDP leaders dey wey fit even serve as strong vice president.
On top zoning and religion matter, Bala make am clear say PDP no go repeat wetin he call APC “mistake” of Muslim-Muslim ticket.
“PDP dey open. Na southerner suppose bring person. We need Christian from South to be presidential candidate, then e go carry Muslim from North as VP. We no go put ourselves for the kind wahala APC put Nigeria inside for 2023,” Bala explain.
The Bauchi governor remind Nigerians say APC decision that year no respect the country’s religious and cultural diversity. He warn say such political move no good for national unity.
In the end, Bala hammer say whoever PDP pick as candidate for 2027, him own support go dey full ground.
