Na inside Transcorp Hilton Hotel for Abuja APC stakeholders from Kano State dey gather today for closed-door meeting.
Big names wey show face na Deputy Senate President, Housing Minister, former APC National Chairman Abdullahi Ganduje, Senator Kabiru Gaya, Abdullahi Buchi, Senator Kawu Ismaila, Senator Kado, Mohammed Garba, plus plenty former commissioners and party chieftains.
Dem never talk wetin dey ground officially, but di meeting hot because na Ganduje first major political waka since e comot as APC Chairman.
Insiders dey yan say di talk fit dey about how dem go unite Kano APC and prepare ground for 2027 general elections.
Kano still remain one of di biggest political battlefields for Nigeria, so wetin dem discuss fit shape APC future strategy.
