Chief of Air Staff, Air Marshal Sunday Kelvin Aneke, don call meeting with all Air Force commanders wey dey handle operations for different parts of the country.
For the meeting wey happen for Nigerian Air Force Headquarters, Abuja, Aneke talk say time don reach to fly smarter and strike harder against terrorists and all dem bad people wey dey threaten the peace of Nigeria.
“We must fly smarter and strike harder—not only to kill threat but to protect lives and properties of Nigerians,” he talk.
The Air Chief tell the commanders make dem work hand-in-hand with army and navy so that every operation go make real sense on ground. He still promise say the Air Force go focus on training, technology, and innovation to make sure say every mission succeed.
Aneke assure dem say him go continue to look after the welfare of Air Force people, talk say dem go fight with discipline and respect for humanity.
He talk say, “We go use power well, but with discipline, humanity, and professionalism. Nigerians and our partners expect the best from us.”
The meeting give Air Force leaders chance to align their strategies, work together better with other security agencies, and show say NAF still be strong tool for national security and hope for citizens.
