Osun State Governor, Ademola Adeleke, don officially waka comot from di Peoples Democratic Party (PDP) go join Accord Party, afta plenty national-level wahala dey shake di PDP.
Adeleke send him resignation letter wey carry November 4, 2025 give di PDP Ward 2 Chairman for Sagba Abogunde, Ede North LGA. For di letter, he talk say di crisis wey dey tear PDP for national level no gree allow am continue as member.
He write: “Because of di gbege inside national leadership of PDP, I dey resign my membership with immediate effect.”
Adeleke still use style thank di PDP say dem help am rise for politics, from Senator wey represent Osun West to Governor of Osun State.
SaharaReporters monitor announcement wey happen Tuesday evening where Adeleke finally declare Accord Party as him new political base. Dis one follow di earlier tori wey dey fly say di governor dey plan enter Accord Party.
Di defection don scatter ground for Osun political arena as many dey expect fresh alignment ahead of next election.
