Three PDP lawmakers from Kaduna State don dump their party go join the ruling APC on Tuesday for plenary session wey Governor Uba Sani attend live for National Assembly.
The lawmakers wey cross carpet include Aliyu Abdullahi (Ikara/Kubau Federal Constituency), Abdulkareem Ahmed(Kaduna South Federal Constituency), and Sadiq Abdullahi (Sabon Gari Federal Constituency).
Deputy Speaker Benjamin Kalu na him read their defection letters during plenary.
The lawmakers talk say na the serious wahala inside PDP make dem decide to move go APC. But Kingsley Chinda, wey be Minority Leader, no gree. He argue say small crisis no mean say PDP get division.
“You fit get crisis, but e no mean say the party don divide,” Chinda talk.
Kalu acknowledge him objection but still allow the defection to stand.
The defection na another heavy blow for PDP wey don already lose many members — including Enugu Governor Peter Mbah and im cabinet — wey recently join APC.
