ABUJA — Independent National Electoral Commission (INEC) don publish di final list of candidates wey go contest for February 21, 2026 Area Council Election for Federal Capital Territory (FCT).
INEC talk say e no go allow any political party withdraw or replace candidate again, except if di candidate or running mate kpeme before election day.
INEC National Commissioner and Chairman for Information and Voter Education Committee, Mr. Sam Olumekun, announce di matter for Abuja on Monday.
E remind Nigerians say on August 18, 2025, di Commission first publish particulars of candidates wey emerge from political party primaries. According to am, 17 political parties don upload their candidate details (Form EC9) before di deadline of August 11, 2025 by 6pm.
“Na why we dey release di final list of candidates now. Di full list show party name, age, gender and qualification of di candidates. Nigerians fit see am for INEC website and social media pages,” Olumekun yan.
INEC come hammer say Section 34(1) of Electoral Act clear well well: no withdrawal or substitution go dey again, unless say candidate or running mate die before election day.
