Governor Alex Otti of Abia State don clear the air on top why government seal the Renewed Hope Agenda office wey dey Ojike Street, Umuahia. According to am, the action no get any political motive as some opposition people dey claim.
For statement wey him Chief Press Secretary, Ukoha Ukoha, release, Otti talk say na the state Harmonised Task Force seal the building as part of their general enforcement of court orders and compliance checks.
He talk say once Deputy Speaker of the House of Reps, Benjamin Kalu, raise the matter, he order make dem unseal the property immediately.
Otti warn people make dem no dey attach political meaning to the task force work, because na normal enforcement dem dey do.
“The unsealing was promptly executed pending the regularisation of the building’s documentation. This enforcement was not politically motivated; rather, it was part of a general exercise targeting properties in default of statutory obligations,” the statement talk.
Government also talk say the owner no answer demand notices wey ask am to show proof say him don pay ground rent and other charges, and na why the enforcement happen.
