Better news don land for football lovers as Confederation of African Football (CAF) and AFCON Morocco 2025 Local Organising Committee announce say fans wey dey travel go di tournament go get free electronic visa.
Di policy go favour supporters from countries wey normally suppose apply for visa before dem fit enter Morocco.
CAF talk for statement on Friday say:
“E-visa wey supporters go get from inside di YALLA app go now dey free for all fans wey wan attend AFCON 2025 wey go run from 21 December 2025 to 18 January 2026.”
Fan ID + E-Visa: Wetin Fans Need
CAF explain say fans must get two important documents before dem fit enter Morocco and waka enter stadium:
Fan ID – compulsory to enter all match venues and official fan areas
E-visa – for countries wey normally require visa
Dem talk say both Fan ID and e-visa dey inside one place — the YALLA app — to make everything easy for travellers and local fans.
CAF add:
“Application for Fan ID and e-visa go dey smooth inside YALLA app to provide faster, easier and secure experience for international and Moroccan fans.”
How to Apply
To apply, fans fit:
Download the YALLA app from Google Play or Apple Store
Visit the official YALLA website
Fill Fan ID form
Submit e-visa request (if required)
Once approval don enter, fans fit buy match tickets through CAF ticketing platform.
Morocco Ready to Host Africa Again
CAF say all these new measures dey aimed at giving fans a smooth and secure experience for Africa’s biggest football festival, wey go hold for nine stadiums across six cities.
Morocco, wey last host AFCON in 1988, dey gear up to welcome 24 teams and thousands of supporters as new African stars ready to shine for 2025 edition.
