The Nigeria Immigration Service don announce say dem go do routine maintenance for dia Passport Digital Platform, and e go cause temporary disruption for people wey wan use the service.
For statement wey dem drop for their official X handle on Friday, signed by the PRO, ACI AS Akinlabi, NIS say the maintenance go run from 12:00 a.m. December 12 reach 6:00 a.m. December 14, 2025 (GMT).
According to NIS, the work na to improve how the system dey behave and make users get better experience.
Dem talk say during the period, people fit experience slow response, small interruptions or limited access to some passport services.
NIS beg Nigerians make dem endure, saying the upgrade dey important to maintain a secure and correct digital passport platform.
Dem add:
“Our technical team dey work day and night to make sure say everything go restore back within the given time.”
People wey need help during the downtime fit reach NIS through email [email protected] or their official social media pages.
Meanwhile, NIS don open temporary complaint channels for social media after dem take down their old support accounts.
People wey dey get wahala with passport or visa processing fit now send their complaints to their temporary X handles:
@InquireAtNaija, @nigimmigration, @InquireAtNaija_, plus Instagram.
NIS say na to make sure communication no break at all as dem continue to fix their permanent support channels.
