Port Harcourt — Governor Siminalayi Fubara don use him Friday statewide broadcast ginger Rivers people say di political wahala wey make President Bola Ahmed Tinubu declare emergency rule for March 2025 don finally cool down.
Fubara talk say di last six months no easy at all for di state, but him gree cooperate wit President Tinubu and National Assembly because na peace and stability go make Rivers State better.
E hail di role wey Tinubu play to settle him, Nyesom Wike and di Rivers State House of Assembly. According to am:
“Di political fight don dey behind us. Peace and stability don waka come back to Rivers State. Na our duty now to make sure say di peace permanent.”
Gov Fubara come pledge say im loyalty to Tinubu remain strong, and e no go ever take di President kindness for granted.
On di side of development, Fubara promise say no project go die. Infrastructure, education, health and other key sectors go continue dey funded well-well. Him also talk say he go work together wit Rivers Assembly to “recover lost time” and fast-track di economy.
“Make we take dis moment as fresh beginning. Even di costliest peace better pass di cheapest war,” Fubara yarn.
The governor come thank Rivers people for their patience and courage during di wahala, and beg everybody make dem join hand push di state forward.
