Nobel Laureate, Prof Wole Soyinka don open up on why e accept make dem rename di National Arts Theatre, Lagos after am.
Soyinka yarn say him get mixed feelings at first because as critic, e no like how past leaders dey always put dia name for public monuments. But he talk say when he see di massive turnaround and N68bn renovation wey Bankers’ Committee do, he change him mind.
He remember say before di revamp, di theatre dey leak water, wires dey exposed, and e even nearly electrocute two of him actors inside. “I think say di building no get hope again, but now I don eat my words,” Soyinka yarn.
President Tinubu, wey attend di reopening, announce National Theatre Endowment Fund make di edifice no return to neglect. Tinubu praise Soyinka as one of Nigeria greatest asset.
Di theatre now get world-class performance hall, cinema, galleries, literature library, media facilities and better access to Lagos Blue Line rail.
